അടുക്കളത്തോട്ടത്തില് വീട്ടിലേക്ക് ആവശ്യമായ പച്ചക്കറികള് കൃഷി ചെയ്യുന്നവര്ക്ക് ഇവയെ തുരത്താന് സഹായിക്കുന്ന ചില നാടന് വിദ്യകള് നോക്കാം.
ഇലതീനിപ്പുഴു, ഉറുമ്പ്, ഒച്ച്, ആമ വണ്ട് തുടങ്ങിയ കീടങ്ങളെ കൊണ്ട് പൊറുതിമുട്ടിയിരിക്കുകയാണിപ്പോള് കര്ഷകര്. കാലാവസ്ഥ മാറിയതോടെ ഇവയുടെ ആക്രമണം രൂക്ഷമാണ്. പച്ചക്കറികളുടെ ഇലയും കായ്കളുമെല്ലാം ഇവ കൂട്ടമായി എത്തി നശിപ്പിക്കുകയാണ്. അടുക്കളത്തോട്ടത്തില് വീട്ടിലേക്ക് ആവശ്യമായ പച്ചക്കറികള് കൃഷി ചെയ്യുന്നവര്ക്ക് ഇവയെ തുരത്താന് സഹായിക്കുന്ന ചില നാടന് വിദ്യകള് നോക്കാം.
1. ഒരു കുപ്പിയില് അല്പ്പം ആവണക്കെണ്ണ എടുക്കുക. അടപ്പ് നല്ല പോലെ അടച്ച ശേഷം കുപ്പി നന്നായി ചുഴറ്റി എണ്ണ എല്ലായിടത്തുമെത്തിക്കുക. എന്നിട്ട് അടപ്പ് തുറന്നു മിച്ചമുള്ള എണ്ണ മാറ്റിയ ശേഷം മൂന്നോ, നാലോ തുളസിയില ഞെരടി കുപ്പിയിലിടുക. ഇതു കൃഷിയിടത്തില് പല സ്ഥലത്തായി വച്ചാല് കുറെയൊക്കെ കീടശല്യമൊഴിവായി കിട്ടും.
2. പഞ്ചസാരയും ബേക്കിങ് സോഡയും ഉപയോഗിച്ചാണ് അടുത്ത വിദ്യ. പഞ്ചസാര നല്ല പോലെ പൊടിക്കുക, ഇതിന്റെ കൂടെ അത്രയും അളവില് തന്നെ ബേക്കിങ് സോഡ ചേര്ക്കുക. ഉറുമ്പുകള് കൂട്ടമായി എത്തുന്ന സ്ഥലങ്ങളിലെല്ലാം ഇതു വയ്ക്കുക. പഞ്ചസാര തിന്നുന്ന കൂട്ടത്തില് ബേക്കിങ് സോഡയും അവയുടെ വയറ്റിലാകും. ഇവ ഉറുമ്പുകള് ശേഖരിച്ചു കൂട്ടിലെത്തിച്ചു മറ്റുള്ളവയ്ക്കും നല്കും. അതോടെ ഇവ കൂട്ടത്തോടെ നശിച്ചു പോകും. ഈ മിശ്രിതത്തിനൊപ്പം യീസ്റ്റും കൂടി ചേര്ക്കുന്നതും നല്ലതാണ്.
3. ഉത്തമമായ വളമാണ് ചാണകം. നല്ല ചാണകവും ഗോമൂത്രവും ഉപയോഗിച്ചു കൃഷി ചെയ്താല് വലിയ തോതിലുള്ള കീടങ്ങളുടെ ആക്രമണമൊന്നുമുണ്ടാകില്ലെന്നാണ് അനുഭവസ്ഥര് പറയുന്നത്. എന്നാല് ഇപ്പോള് വിപണിയില് ലഭിക്കുന്ന ചാണകം ഗുണനിലവാരം കുറഞ്ഞതാണ്. ചാണകം വെയിലത്തിട്ട് ഉണക്കരുത്, വെയില് കൊണ്ടാല് ചാണകത്തിലെ ഉപകാരികളായ പല അണുക്കളും നശിച്ചുപോകാന് സാധ്യതയുണ്ട്. പച്ചചാണകം ശേഖരിച്ചു തണലത്തിട്ടുണക്കണം. ഇടയ്ക്ക് കോഴികളെ കൊത്തിപ്പെറുക്കാന് അനുവദിച്ചാല് ഏറെ നന്ന്. എന്നാല് ഇപ്പോഴത്തെ സാഹചര്യത്തില് പല ഫാമുകളിലും വീട്ടിലുമൊന്നും ഇതിനുള്ള സാഹചര്യമില്ല. ഇത്തരത്തില് ചാണകം ശേഖരിക്കാന് പറ്റിയാല് ഏറെ നല്ലതാണ്. നല്ല വിളവും ലഭിക്കും, കീടങ്ങളെയും രോഗങ്ങളെയും അതിജീവിക്കാനുള്ള കരുത്തും ചെടികള്ക്കുണ്ടാകും.
4. നല്ല പോലെ മൂത്ത മുരിങ്ങയില അരച്ചു നീരെടുക്കുക. ഇതിനൊപ്പം 32 ഇരട്ടി വെള്ളം ചേര്ത്ത് നന്നായി യോജിപ്പിച്ച് ചെടിയില് സ്പ്രേ ചെയ്തു കൊടുക്കുക. നല്ല വിളവ് ലഭിക്കാനും കീടങ്ങളുടെ ആക്രമണം ചെറുക്കാനുമിതു പച്ചക്കറികളെ സഹായിക്കും. ഒരു മാസത്തില് രണ്ടു തവണ ചെയ്താല് നല്ല മാറ്റം ചെടികളിലുണ്ടാകും.
5. പാവല് , പടവലം കൃഷികളിലെ പ്രധാന വില്ലനാണ് ഇലതീനിപ്പുഴു. ചെടികളുടെ ഇലകള്ക്ക് അടിയില് സൂക്ഷിച്ചു നോക്കിയാല് കാണാം പച്ചനിറമുള്ള പുഴുക്കളെ കാണാം. ഇവയെ തുരത്താനൊരു എളുപ്പ മാര്ഗമാണ് പപ്പായ ഇല സത്ത്. പപ്പായയുടെ ഇല ഇടിച്ചു പിഴിഞ്ഞ നീര് 100 മില്ലി ഒരു ലിറ്റര് വെള്ളത്തിലെന്ന തോതില് കലക്കി ഇലകള്ക്ക് അടിയില് നന്നായി സ്പ്രേ ചെയ്യുക. രണ്ടു - മൂന്ന് ദിവസം അടുപ്പിച്ചു പ്രയോഗിച്ചാല് നല്ല ഗുണം ലഭിക്കും.
മഴയുടെ ശക്തി കുറഞ്ഞു കൊണ്ടിരിക്കുകയാണിപ്പോള്. കൃഷിയില് പുതിയൊരു തുടക്കത്തിന് പറ്റിയ സമയമാണിപ്പോള്, പ്രത്യേകിച്ച് ടെറസ് കൃഷിയില്. ഇതിനുള്ള ഒരുക്കങ്ങള് ഇപ്പോഴേ ആരംഭിക്കണം. ഗ്രോബാഗ് കൃഷിയാണ് ടെറസില്…
നമ്മുടെ കൃഷിയിടത്തിലും സമീപത്തുമുള്ള വിവിധ ചെടികളുടെ ഇലകള് ഉപയോഗിച്ച് മികച്ച കീടനാശിനികള് തയാറാക്കാം. ഇവയ്ക്കൊപ്പം ഇഞ്ചി, മുളക്, വെളുത്തുള്ളി എന്നിവ കൂടി ഉപയോഗിച്ചാല് സംഗതി ഗംഭീരമായി. മിലിമൂട്ട,…
ഒരു ചെലവുമില്ലാതെ വളരെപ്പെട്ടെന്നു ലഭിക്കുന്ന ലായനി, ജൈവവളമായും വളര്ച്ചാ ഉത്തേജകമായുമെല്ലാം ഉപയോഗിക്കാം - അതാണ് അരി കഴുകിയ വെള്ളം. എല്ലാ വീട്ടിലെ അടുക്കളയിലും ഒരു നേരമെങ്കിലും അരി കഴുകിയ വെളളം ലഭിക്കും.…
മഴക്കാലത്ത് കറിവേപ്പിനും വേണം പ്രത്യേക പരിചരണം. നിലവിലെ കാലാവസ്ഥയെ അതിജീവിച്ച് കറിവേപ്പ് ചെടി ആരോഗ്യത്തോടെ വളരാന് ശ്രദ്ധിക്കേണ്ട കാര്യങ്ങള്.
ഏതു കാലാവസ്ഥയിലും അത്യാവശ്യം വിളവ് തരുന്ന വിളകളാണ് പാവല്, കോവല്, പടവലം, പയര് തുടങ്ങിയവ. ഇവയില് ചിലതിനെ പന്തിലിട്ടാണ് വളര്ത്തുക. പടവലം , പയര്, കോവല് എന്നിവയൊക്കെ മഴക്കാലത്തും…
സ്വന്തം ആവശ്യത്തിനുള്ള പച്ചക്കറി ഗ്രോബാഗില് കൃഷി ചെയ്യുന്നവരാണ് നമ്മളില് ഭൂരിഭാഗം പേരും. ഒരോ തവണ കൃഷി കഴിയുമ്പോഴും ഗ്രോബാഗ്, ചട്ടി, ഡ്രം എന്നിവ മാറ്റുകയെന്നത് പ്രയാസമുള്ള കാര്യമാണ്. നടീല് മിശ്രിതം…
ഇലതീനിപ്പുഴു, ഉറുമ്പ്, ഒച്ച്, ആമ വണ്ട് തുടങ്ങിയ കീടങ്ങളെ കൊണ്ട് പൊറുതിമുട്ടിയിരിക്കുകയാണിപ്പോള് കര്ഷകര്. കാലാവസ്ഥ മാറിയതോടെ ഇവയുടെ ആക്രമണം രൂക്ഷമാണ്. പച്ചക്കറികളുടെ ഇലയും കായ്കളുമെല്ലാം ഇവ കൂട്ടമായി…
ശക്തമായ മഴ മാറിയതോടെ അടുക്കളത്തോട്ടം സജീവമാക്കുകയാണ് കൃഷിയെ സ്നേഹിക്കുന്നവര്. എത്ര ചെറിയ കൃഷിയിടമാണെങ്കിലും കൃത്യമായ പരിചരണം സ്ഥിരമായി നല്കിയെങ്കില് മാത്രമേ നല്ല വിളവ് ലഭിക്കൂ. വിത്തിടുന്നതു മുതല്…
© All rights reserved | Powered by Otwo Designs
Leave a comment